ພາກວິຊາພາສາເຢຍລະມັນ

1. ຄວາມເປັນມາຂອງພາກວິຊາ

ນັບແຕ່ປີ 1981 - 1992 ພາສາເຢຍລະມັນໄດ້ຈັດການຮຽນການສອນຢູ່ທີ່ ມະຫາວິທະຍາໄລ ສ້າງຄູວຽງຈັນ (ມສຄ) ເພື່ອສ້າງຄູພາສາເຢຍລະມັນ ສະໜອງໃຫ້ສູນຕຽມພາສາໄປຕ່າງປະເທດ (ສູນຫຼັກ 2), ນັກແປພາສາ ແລະ ນັກພາສາສາດ ໃນສະໄໝນັ້ນ. ມີຈຳນວນນັກສຶກສາປະມານ 25 ຄົນຕໍ່ຊັ້ນຮຽນໂດຍໄດ້ຮັບການຊ່ວຍເຫຼືອທາງວິຊາການ ແລະ ຊ່ຽວຊານຈາກປະເທດເຢຍລະມັນຕາເວັນອອກໃນເມື່ອກອ່ນ ຈຳນວນ 8 ຄົນ (DDR) ອາຈານລາວ 3 ຄົນ. ຫຼັງຈາກເຢຍລະມັນໂຮມປະເທດເຂົ້າກັນ ໃນເດືອນ ຕຸລາ ປີ 1990 ເປັນສາທາລະນາລັດ ສະຫະພັນເຢຍລະມັນ ແລະໄດ້ສືບຕໍ່ໃຫ້ການຊ່ວຍເຫຼືອແກ່ພະແນກພາສາເຢຍລະມັນ ໂດຍສົ່ງຊ່ຽວຊານ ອົງການແລກປ່ຽນວິທະຍາສາດເຢຍລະມັນ DAAD (German Academe Exchange Service) ຈຳນວນ 1 ທ່ານ ແລະ ຜຼ້ຊ່ວຍຊ່ຽວຊານອີກ 1 ທ່ານ ມາປະຈຳ ລວມ ເປັນ 9 ເທື່ອຄົນ ທີ່ ມຊ ຈົນຮອດປີ 2012 ຈຶ່ງຖອນກັບຄືນ ຍ້ອນງົບປະມານຖືກຕັດ ໄປຊ່ວຍທາງອື່ນ ແລະ ເຮັດໃຫ້ຂາດອາຈານທີ່ເປັນພາສາແມ່ນັບແຕ່ນັ້ນເປັນຕົ້ນມາ.

• ພາກ ວິຊາພາສາເຢຍລະມັນໄດ້ຍົກລະດັບ ພະແນກພາສາເຢຍລະມັນ ຂຶ້ນເປັນພາກວິຊາພາສາຢຍລະມັນໃນ ປີ 2005 ແລະ ມີຫຼັກສູດ ປະລິນຍາຕີພາສາເຢຍລະມັນ ນຳໃຊ້ມາຕັ້ງແຕ່ປີ 2003 ໄດ້ເປີດຮັບນັກສຶກສາລະດັບປະລິນເປັນລຸ້ນທຳອິດ (ໃນລະບົບ 2+3) ລົງເລິກໃນສາຂາວິຊາ: ພາສາເຢຍລະມັນເພື່ອການທ່ອງທ່ຽວ, ຄູພາສາເຢຍລະມັນ, ວິຊາການແປພາສາເຢຍລະມັນ ແລະ ວິຊາວັນນະຄະດີ ແລະ ພາສາສາດ.

• ປັດຈຸບັດພາກພາສາເຢຍລະມັນ ມີ ອາຈານ ສອນທັງໝົດ 7 ທ່ານ ຍິງ 2 ທ່ານ. ມີວຸດທິການສຶກສາລະດັບ ປະລິຍາເອກ 1 ທ່ານ. ປະລິນຍາໂທ 1 ທ່ານ ແລະ ກໍາລັງສຶກສາຕໍ່ປະລິນຍາໂທ 1 ທ່ານ, ປະລິນຍາຕີ 4 ທ່ານ.

• ໃນສົກສຶກສາ 2016-2017 ມີນັກສຶກສາ ປີທີ 1 ຈໍານວນ 20 ຄົນ, ປີທີ 2 ຈຳນວນ 9 ຄົນ, ປີທີ 3 ຈຳນວນ 11 ຄົນ, ປີທີ 4 ຈຳນວນ 7 ຄົນ.

• ອາຈານພາສາເຢຍລະມັນທັງໝົດ ມີໂອກາດໄປຝືກອົບຮົມທັງພາຍໃນແລະ ພາກພື້ນຢ່າງນ້ອຍປີລະຄັ້ງ ໄດ້ໃບຮັບຢັ້ງຢືນວິຊາຄູຈາກສະຖາບັນພາສາເຢຍລະມັນ Goethe ປະຈຳບາງກອກ. ນອກຈາກນັ້ນຍັງໄດ້ຮັບໃບຢັ້ງຢືນການແລກປ່ຽນວິທະຍາສາດຈາກສະຖາບັນຕ່າງໆທີ່ໄດ້ເຂົ້າຮ່ວມອີກ 6 ຄົນ

• ແຕ່ລະປີມີນັກສຶກສາດີເດັ່ນໄປຝຶກອົບຮົມຍົກລະດັບພາສາທີ່ປະເທດເຢຍລະມັນ 2 ຄົນ/ຄັ້ງ .ນອກນັ້ນຍັງໄດ້ເຂົ້າຮ່ວມງານແລກປ່ຽນວິທະຍາສາດປະຈຳພາກພື້ນ ຄັ້ງລະສອງເທື່ອຄົນ. ໃນແຕລະສົກສຶກສາໄດ້ສົ່ງນັກສຶກສາແຫ່ງລະ 2 ຄົນເຂົ້າແລະປ່ຽນລະຫວ່າງມະຫາວິທະຍາໄລ ກັບມະຫາວິທະຍາໄລຮ່າໂນຍ ແລະ ມະຫາວິທະຍາໄລຂອນແກ່ນ. 

• ແຕ່ປີ1981-1990 ມີນັກສືກສາທີ່ຮຽນຈົບປະມານ 100 ຄົນ

• ແຕ່ປີ 1990-2016 ມີນັກສືກສາທີ່ຮຽນຈົບ 79 ຄົນ

• ປັດຈຸບັນມີນັກສຶກສາທັງໝົດ 47.ຄົນ/ຍິງ 21 ຄົນ. ແບ່ງເປັນລະບົບຈ່າຍຄ່າຮຽນ 19 ຄົນ ເປັນຍິງ 9 ຄົນ

• ນັກສຶກສາທີ່ຈົບການສຶກສາສົກ2016-2017 ມີ 7 ຄົນ/ ຍິງ 2 ຄົນ

• ນັກສຶກສາທີ່ສອບເສັງຜ່ານ ມຊ ແລະໄດ້ຮັບລາຍຊື່ເຂົ້າມາໃນພາກວິໃນສົກສຶກສາ 2017-2018 ມີຈຳນວນທັງໝົດ 24 ຄົນ. ແລະຈະຍັງມີນັກສຶກສາໃນແຜນອີກຈຳນວນນຶ່ງ

•  ນັກສຶກສາທີ່ຈົບໄປແລ້ວໄດ້ປະກອບສ່ວນໃນຂົງເຂດວຽກງານດັ່ງນີ້:

1. ກະຊວງການຕ່າງປະເທດ, 2. ບໍລິສັດທ່ອງທ່ຽວ, 3. ໂຄງການຂອງເຢຍລະມັນ, 4. ເຮັດທຸລະກິດສ່ວນຕົວ, 5 ຄູພາສາເຢຍລະມັນລຸ້ນສືບຖອດ, 6. ແຕ່ງງານກັບຄົນເຢຍລະມັນ, ແລະ 7. ສະຖານທູດເຢຍລະມັນ

• ຄຽງຄູ່ພາສາພາສາລັດເຊຍ,ພາສາແອັດສະປາຍ, ພາສາເຢຍລະມັນໄດ້ຈັດການຮຽນການສອນໃນລະດັບມະຫາວິທະຍາໄລ ແລະ ຍັງບໍ່ທັນໄດ້ນຳເອົາພາສາເຢຍລະມັນໃນຂັ້ນໂຮງຮຽນສາມັນສຶກສາ ແລະ ໂຮງຮຽນວິຊາຊີບ ຍ້ອນບໍ່ທັນມີທິດຊີ້ນຳຈາກກະຊວງສຶກສາ ແລະຄວາມພຽບພ້ອມທາງດ້ານບຸກຄະລາກອນພາຍໃນພາກວິຊາ.

• ການປະຕິຮູບການສຶກສາຂອງ ສປປ ລາວ ຄັ້ງນີ້ ຈະມີຫຼັກສູດ ໂຮງຮຽນສາມັນວິຊາຊີບ ເຊິ່ງໃນໄລຍະຜ່ານມາ ປະເທດເຢຍລະມັນໄດ້ໃຫ້ຄວາມຊ່ວຍເຫຼືອ ແລະ ເອົາໃຈໃສ່ວຽກງານວິຊາຊີບຢູ່ ສປປ ລາວເປັນພິເສດ. ຖ້າກະຊວງສຶກສາຫາກມີແນວທາງນະໂຍບາຍນຳເຂົ້າສິດສອນໃນໂຮງຮຽນວິຊາຊີບທີ່ພົວພັນກັບເຢຍລະມັນ ຈະເປັນໂອກາດອັນດີໃຫ້ພາສາເຢຍລະມັນ ໄດ້ຮ່ວມຈັດການຮຽນການສອນໃຫ້ນັກຮຽນ ເພື່ອສ້າງໂອກາດໃຫ້ເຂົາເຈົ້າໄດ້ໄປແລກປ່ຽນບົດຮຽນ ແລະ ສ້າງເປັນພະນັກງານຊ່າງທີ່ມີສີມື ໃນປະເທດເຢຍລະມັນ ແລະ ສ້າງເປັນພະນັກງານສືບຖອດໃນອະນາຄົດ.

• (ຄວາມເຫັນສ່ວນຕົວ: ການພົວພັນຮ່ວມມືທາງດ້ານເສດຖະກິດລະຫ່ວາງ ລາວ-ເຢຍລະມັນ ຍັງບໍ່ທັນກ້ວາງຂວາງ ເທົ່າທີຮູ້ຜ່ານມາແມ່ນມີແຕ່ ໂຮງງານຕັດຫຍິບ Trio ສີເກີດ ບ່ອນດຽວ ທີ່ ມີທ່ານ ນາງ Mrs Engel ເປັນອາດີດຜູ້ບໍລິຫານໂຮງງານ ຖ້າທຽບໃສ່ປະເທດເພື່ອນບ້ານອ້ອມຂ້າງທີ່ການລົງທຶນຂອງເຢຍລະມັນມີຫຼາຍ ສະນັ້ນ ການຮຽນການສອນພາສາເຢຍລະມັນຢູ່ປະເທດເລົ່ານັ້ນມີບັນຍາກາດຟົດຟື້ນເປັນພິເສດ)

• ທິດທາງ ແລະ ອະນາຄົດຂອງພາສາເຢຍລະມັນໃນ ສປປລາວ ຍັງເປັນທີ່ກັງວົນ ແລະ ສອງຝ່າຍຕ້ອງຊອກຫາທາງອອກຮ່ວມກັນ.

2. ຈຸດປະສົງຂອງພາກວິຊາ

• ເພື່ອກໍ່ສ້າງພະນັກງານນຳທ່ຽວພາສາເຢຍລະມັນ, ນັກແປພາສາເຢຍລະມັນ, ພະນັກງານຫ້ອງການພາສາເຢຍລະມັນ ແລະ ນັກວິຊາການໃນຂະແໜງການນຳໃຊ້ພາສາເຢຍລະມັນສາມາດ ຕອບສະໜອງໄດ້ຕາມຄວາມຮຽກຮ້ອງຕ້ອງການພັດທະນາເສດຖະກິດ-ສັງຄົມແຫ່ງຊາດ.

• ສ້າງໃຫ້ນັກສຶກສາມີແນວຄິດ, ຄຸນສົມບັດ, ສິນທຳປະຕິວັດ, ທັດສະນະການເມືອງທີ່ຖືກຕ້ອງ, ມີແນວຄິດຮັກຊາດ, ຮັກລະບອບໃຫມ່, ມີຄວາມຈົງຮັກພັກດີຕໍ່ລັດຖະບານ, ມີຄວາມສາມັກຄີບັນດາເຜົ່າ, ຮູ້ຊ່ວຍເຫຼື່ອເຊິ່ງກັນແລະກັນ, ຮູ້ຮັກ ແລະ ອະນຸລັກຮີດຄອງປະເພນີອັນດີງາມຂອງຊາດ ແລະ ມີຄວາມພູມໃຈໃນຄວາມເປັນຊາດລາວ.

• ສ້າງໃຫ້ນັກສຶກສາມີຄວາມຮູ້ຄວາມສາມາດທາງດ້ານວິຊາການ, ມີຈັນຍາບັນ, ຮັກອາຊີບຂອງຕົເອງກ່ຽວກັບສາຂາພາສາເຢຍລະມັນ. 

• ຜູ້ສຳເລັດການສຶກສາໃນສາຂາວິຊານີ້ສາມາດເຮັດວຽກນຳບໍລິສັດທ່ອງທ່ຽວ, ອົງການຕ່າງໆຂອງເຢຍລະມັນ ແລະ ອົງການຂອງລັດຖະບານເຢຍລະມັນຕາມະໂຍບາຍການພົວພັນສາກົນຂອງລັດຖະບານ.ຜູ້ສຳເລັດການສຶກສາຕາມຫຼັກສູດດັ່ງກ່າວ ສາມາດເຂົ້າສຶກສາໃນຫຼັກສູດນີ້ຈະມີລະດັບ B1 ຫຼື ສູງກ່ວາ ແລະ ສາມາດຄົ້ນຄ້ວາລົງເລິກຂະແໜງວິຊາ ໃນລະດັບທີ່ສູງກ່ວາໃນສາຂາວິຊາທີ່ກ່ຽວຂ້ອງ ທັງພາຍໃນ ແລະ ຕ່າງປະເທດ.

3. ໜ້າທີ່ ແລະ ພາລະບົດບາດຂອງພາກວິຊາ

ພາກວິຊາ ພາສາເຢຍລະມັນ ຂຽນຫຍໍ້ວ່າ ‘ພຢ’ ເປັນພາກວິຊາໜຶ່ງ, ຊຶ່ງສັງກັດຢູ່ໃນໂຄງປະກອບການຈັດຕັ້ງຂອງຄະນະອັກສອນສາດ ມະຫາວິທະຍາໄລແຫ່ງຊາດ, ມີພາລະບົດບາດເປັນເສນາທິການ ໃຫ້ແກ່ຄະນະບໍດີ ໃນການຈັດຕັ້ງການຮຽນ-ການສອນ ເພື່ອກໍ່ສ້າງນັກວິຊາການ ດ້ານພາສາເຢຍລະມັນ, ນັກຄົ້ນຄ້ວາ ແລະ ໃຫ້ການບໍລິການທາງດ້ານວິຊາການໃຫ້ແກ່ສັງຄົມ.

4. ໂຄງປະກອບການຈັດຕັ້ງພາກວິຊາ

1. ຫົວໜ້າພາກ     ປທ. ສອນຄຳ ແສນຄຳຕາ

2. ຮອງຫົວໜ້າພາກ  ປທ. ບຸນໄຊ ເຮືອງຈັນທະວົງ

3. ຮອງຫົວໜ້າພາກ ປທ. ນ. ຍິນຫຼ້າ ຢາງຈັນດີ

4. ລາຍຊື່ອາຈານສອນ

- ປທ. ສອນຄໍາ ແສນຄໍາຕາ

- ປທ. ນ. ຍິນຫຼ້າ ຢາງຈັນດີ

- ປທ. ບຸນໄຊ ເຮືອງຈັນທະວົງ

- ປຕ. ສຸກກະສັນ ທຳມະວົງ

- ປຕ. ສອນມີໄຊ ໝື່ນບຸນມະວົງ

- ປຕ. ອຸໄລວັນ ພົມມະຫາໄຊ