ສາຂາໜ່ວຍວິຊາພາສາແອັດສະປາໂຍນ

ຄວາມເປັນມາ 

ນັບແຕ່ປີ 1984-1985 ສາຂາວິຊາພາສາແອັດສະປາໂຍນແມ່ນສາຂາວິຊາໜຶ່ງທີ່ສັງກັດຢູ່ ພະແນກພາສາຝຣັ່ງ-ແອັດສະປາໂຍນ, ມະຫາວິທະຍາໄລສ້າງຄູວຽງຈັນໃນເມື່ອກ່ອນ ໂດຍມີຊ່ຽວຊານຈາກ ສ. ກູບາ ມາຊ່ວຍສິດສອນເປັນແຕ່ລະໄລຍະ. ມາຮອດປີ 1992 ການຮຽນ-ການສອນ ກໍ່ໄດ້ຖືກຢຸດລົງ ເນື່ອງຈາກສະພາບການຂອງໂລກມີການປ່ຽນແປງ. 

ຈົດມາຮອດປີ 2010 ມະຫາວິທະຍາໄລແຫ່ງຊາດ ໄດ້ຮັບການຊີ້ນໍາຈາກຂັ້ນເທິງ ເຫັນດີໃຫ້ເປີດການຮຽນ-ການສອນພາສາແອັດສະປາໂຍນໃນຫຼັກສູດປະລິນຍາຕີຄືນໃໝ່; ຈຶ່ງໄດ້ສ້າງຕັ້ງເປັນໜ່ວຍວິຊາພາສາແອັດສະປາໂຍນຂຶ້ນ ສົກສຶກສາ 2010-2011 ມີຈໍານວນ 6 ຄົນ, ແຕ່ເນື່ອງຈາກຄວາມຂາດເຂີນທາງດ້ານບຸກຄະລາກອນ ຈຶ່ງໄດ້ມີການຢຸດຮັບນັກສຶກສາຊົ່ວຄາວ ໃນສົກສຶກສາ 2012-2013 ແລະ2013-2014,  ຫຼັງໜ່ວຍວິຊາພາສາແອັດສະປາໂຍນປະກອບມີບຸກຄະລາກອນເພີ່ມຂຶ້ນ; ປະກອບດ້ວຍອາຈານລາວທີ່ຈົບຈາກ ສ. ກູບາ,  1 ທ່ານ ສັງກັດໃນປີ 2013, ມີອາຈານຮັບເຊີນ, ອາສາສະໝັກ ແລະມີຊ່ຽວຊານກູບາມາປະຈໍາແຕ່ລະສົກສຶກສາ. ດັ່ງນັ້ງນັບແຕ່ ສົກສຶກສາ 2014-2015 ເປັນຕົ້ນມາໄດ້ມີການຮັບນັກສຶກສາເປັນປົກກະຕິ, ນັກສຶກສາຈົບໄປແລ້ວ 6 ລຸ້ນ, ປະຈຸບັນ ມີນັກສຶກສາທີ່ກໍາລັງສຶກສາຢູ່ສຶກສາຢູ່ ມີ 4 ຫ້ອງ, ປີ1 ຫາ ປີ4.

ຈຸດປະສົງ ໜ່ວຍວິຊາ

ໜ້າທີ່ ແລະ ພາລະບົດບາດ ໜ່ວຍວິຊາ

ໜ່ວຍວິຊາພາສາແອັດສະປາໂຍນ​ແມ່ນໜ່ວຍວິຊາໜຶ່ງທີ່ຂຶ້ນກັບພະແນກວິຊາການ, ຄະນະອັກສອນສາດ, ມະ ຫາວິທະຍາໄລແຫ່ງຊາດ; ເຮັດໜ້າທີ່ໃນການຈັດຕັ້ງການຮຽນ-ການສອນພາສາແອັດສະປາໂຍນ​ໃນລະດັບປະລິນຍາຕີເພື່ອ​ສ້າງບຸກຄະລາກອນ ຫຼືນັກວິຊາການດ້ານພາສາແອັດສະປາໂຍນໃຫ້ແກ່ສັງຄົມ; ຕອບສະໜອງກັບຄວາມຕ້ອງການຂອງຕະຫຼາດແຮງງານ, ການ​ພັດທະນາ ​ແລະ​ການ​ເຊື່ອມ​ໂຍງ​ກັບ​ພາກ​ພື້ນ ​ແລະ​ສາກົນ​. 

ໂຄງປະກອບການຈັດຕັ້ງ ໜ່ວຍວິຊາ ປະຈໍາປີ 2022-2023

1. ຫົວໜ້າໜ່ວຍວິຊາ     ຊື່ ແລະ ນາມສະກຸນ : ປຕ ປໍທໍ່ ຫວັງຈື້

2. ຮອງຫົວໜ້າໜ່ວຍວິຊາ   ຊື່ ແລະ ນາມສະກຸນ : (ບໍ່ມີ)

3. ອາຈານສອນ    ຊື່ ແລະ ນາມສະກຸນ: ປຕ ແສງມະນີ ຢ່າ

4. ຊ່ຽວຊານ ປທ ລູອີສ ມາຣິໂອ ຊາໂມລາ

5. ອາສາສະໝັກ ປຕ ນາງ ໂບນິຕາ ອັງຄະວົງ