ພາກວິຊາສື່ສານມວນຊົນ

1. ຄວາມເປັນມາຂອງພາກວິຊາ

        ພາກ​ວິຊາສື່ສານ​ມວນ​ຊົນ ​ເປັນພາກ​ວິຊາ​ໜຶ່ງ​ທີ່​ສັງກັດ​ຢູ່​ໃນຄະນະ​ອັກສອນສາດ ມະຫາວິທະຍາ​ໄລ​ແຫ່ງ​ຊາດ 

- ປີ 2004​-2005 ເລີ່່ມປະຕິບັດການຮຽນການສອນ (ເປັນໜ່ວຍວິຊາໜຶ່ງຂຶ້ນກັບພາກວິຊາພາສາລາວ-ວັນນະຄະດີ) ຕາມການອະນຸມັດຂອງອະທິການບໍດີ ມະຫາວິທະຍາໄລແຫ່ງຊາດ ສະບັບເລກທີ 1668/ມຊ-ຈຕ ລົງວັນທີ 30 ສິງຫາ 2004

- 2016 ຍົກຖານະຂຶ້ນ​ເປັນ​ພາກ​ວິຊາ​ສື່ສານ​ມວນ​ຊົນ ຄະນະ​ອັກສອນສາດ, ມະຫາວິທະຍາ​ໄລ​ແຫ່ງ​ຊາ​ດ; ຕາຂໍ້ຕົກລົງສະບັບ​​ເລ​ກທີ 5211/ສສກ.ຈຕ; ນະຄອນຫຼວງ​ວຽງ​ຈັນ, ວັນ​ທີ 20 ກັນຍາ 2016”. 

- ໄດ້ດໍາເນີນການຮຽນການສອນມາແລ້ວທັງໝົດ 19 ລຸ້ນ, ຈົບອອກໄປແລ້ວທັງໝົດ 15 ລຸ້ນ ແລະກໍາລັງຮຽນຢູ່ອີກ 4 ລຸ້ນ.

2. ຈຸດປະສົງຂອງພາກວິຊາ

       ພາກ​ວິຊາ​ສື່ສານ​ມວນ​ຊົນມີຈຸດປະສົງຕົ້ນຕໍຄືການຈັດການ​ຈັດການ​ຮຽນ-ການ​ສອນ, ​ສ້າງ​ບຸກຄະລາ​ກອນ​ດ້ານ​ສື່ສານ​ມວນ​ຊົນ​​ທີ່​ມີ​ຄວາມ​ຮູ້, ມີ​ຄວາມ​ສາມາດ, ມີ​ປະສິດທິພາບ ​ແລະ ຄຸນນະພາບ ​ເພື່ອ​ອອກ​ໄປ​ຮັບ​ໃຊ້​ສັງຄົມ​ ​ແລະ ປະ​ເທດ​ຊາດຕາມ​ຄວາມ​ຮຽກຮ້ອງ​ຕ້ອງການ​.

3. ໜ້າທີ່ ແລະ ພາລະບົດບາດຂອງພາກວິຊາ

      ເປັນເສນາທິການໃຫ້ແກ່ມະຫາວິທະຍາໄລແຫ່ງຊາດໃນການກໍ່ສ້າງບຸກຄະລາກອນໃຫ້ແກ່ສັງຄົມ ໂດຍສະເພາະບັນດາກະຊວງ, ກົມກອງ, ພະແນກຖະແຫຼງຂ່າວ ຕະຫຼອດເຖິງສື່ປະເພດຕ່າງໆໃນແຕ່ລະອົງກອນ.

ບັນດາບຸກຄະລາກອນທີ່ຈົບອອກໄປ ກໍຈະປະຕິບັດໜ້າທີ່ໃນການເປັນນັກຂ່າວ. ນັກຂຽນ, ເປັນໂຄສົກ, ພິທີກອນ, ເປັນຜູ້ປະກາດຂ່າວ ແລະອ່ານຂ່າວຕາມສື່ປະເພດຕ່າງໆ ໃນແຕ່ລະອົງກອນ, ຫ້ອງການ, ເມືອງ, ແຂວງໃນທົ່ວປະເທດ.

4. ໂຄງປະກອບການຈັດຕັ້ງພາກວິຊາ, ພະແນກວິຊາ, ໜ່ວຍວິຊາ

1. ຫົວໜ້າພາກ     ປທ ດວງຕາ ມະນີວົງ

2. ຮອງຫົວໜ້າພາກ   ອຈ. ປທ. ນ. ຫອມມາລາ ເພັນສີຊະນະວົງ

3. ຮອງຫົວໜ້າພາກ ຊອ. ປທ. ນ. ສຸພັດຊາ ສິງທອງ

4. ລາຍຊື່ອາຈານສອນ

- ປທ ດວງຕາ ມະນີວົງ

- ອຈ. ປທ. ນ. ຫອມມາລາ ເພັນສີຊະນະວົງ

- ຊອ. ປທ. ນ. ສຸພັດຊາ ສິງທອງ

- ຊອ. ປທ. ນ. ບຸດສະບາ ແພງດວງ

- ປທ. ນ. ປາລິດຖາ ລັດສິມມາ

- ປທ. ບຸນຖາວອນ ລາດສະຫວັດ

- ປຕ. ສອນທະວີ ໄຊຍະໂພສີ

- ປຕ ພົງພະສິດ ສຸທໍາມະວົງ

- ປຕ ກອງຈັນ ພຽນນາຈິດ