ຊື່ຫຼັກສູດ
● ຊື່ພາສາລາວ: ປະລິນຍາຕີອັກສອນສາດສາຂາພາສາຣັດເຊຍ
● ຊື່ພາສາອັງກິດ: Bachelor of Letters in Russian Language
ປັດຊະຍາ
ສ້າງບຸກຄະລະກອນໃຫ້ມີຄວາມຮູ້, ຄວາມສາມາດທາງດ້ານພາສາຣັດເຊຍ ເພື່ອນໍາໃຊ້ເຂົ້າໃນວຽກງານທາງດ້ານວິທະຍາສາດ, ວັດທະນະທໍາ, ການສື່ສານ, ການພັດທະນາເສດຖະກິດ-ສັງຄົມທີ່ພຽບພ້ອມໄປດ້ວຍຄຸນນະພາບ, ຄຸນນະທໍາ, ຈະລິຍະທໍາ ແລະ ຄຸນສົມບັດສິນທໍາປະຕິວັດ.
ຈຸດປະສົງຫຼັກສູດ
ຈຸດປະສົງຂອງຫຼັກສູດແມ່ນເພື່ອສ້າງນັກສຶກສາໃຫ້:
ມີຄວາມຮູ້ຄວາມສາມາດ ແລະ ທັກສະພາສາຣັດເຊຍໂດຍເນັ້ນໃສ່ 4 ທັກສະເຂົ້າໃນການສື່ສານ, ການຕິດຕໍ່ພົວພັນ-ປະສານງານກັບບັນດາອົງການທັງພາກລັດ ແລະ ເອກະຊົນທີ່ມີການນໍາໃຊ້ພາສາຣັດເຊຍ.
ມີຄວາມຮູ້ທາງດ້ານການສື່ສານ, ພາສາຣັດເຊຍທົ່ວໄປ, ພາສາຣັດເຊຍສະເພາາະດ້ານ, ການແປ, ການບໍລິການ-ທ່ອງທ່ຽວ ແລະ ການປະຊາສໍາພັນ.
ສາມາດຂຽນບົດຈົບຊັ້ນ, ສືບຕໍ່ສຶກສາໃນລະດັບສູງຂື້ນ ແລະ ສາມາດເຮັດວຽກງານທີ່ໃຊ້ພາສາສາດຣັດເຊຍໄດ້ຢ່າງມີປະສິດພາບ.
ເປັນຊັບພະຍາກອນມະນຸດທີ່ມີ 5 ຫຼັກມູນຂອງສຶກສາແຫ່ງຊາດ: ມີຈັນຍາບັນ, ມີຄຸນສົມບັດ, ມີຈະລິຍະທຳ, ມີຄວາມສີວິໄລທາງດ້ານຈິດໃຈ, ມີນໍ້າໃຈຮັກຊາດ, ມີຫົວຄິດປະດິດສ້າງ ແລະ ມີຄວາມພ້ອມໃນການປະກອບສ່ວນສ້າງສາປະເທດຊາດຂອງຕົນໃຫ້ຈະເລີນຮຸ່ງເຮືອງທຽບເທົ່ານາໆປະເທດ.
ຜົນການຮຽນຮູ້ (PLO)
ພາຍຫລັງຮຽນຈົບຫລັກສູດສາຂາພາສາພາສາຣັດເຊຍແລ້ວ ນັກສຶກສາຈະມີິິຄວາມສາມາດ:
ດ້ານຄວາມຮູ້:
PLO1 ຈໍາແນກ ທິດສະດີ ແລະ ຫລັກການໃນການນໍາໃຊ້ 4 ທັກສະພາສາຣັດເຊຍເຂົ້າໃນວຽກງານຕົວຈິງຢ່າງຖືກຕ້ອງ ແລະ
ເໝາະສົມ.
PLO2 ສົມທຽບ ຄວາມແຕກຕ່າງກັນທາງດ້ານພາສາ-ວັດທະນະທໍາລາວ ກັບ ພາສາ-ວັດທະນະທໍາຣັດເຊຍ ແລະ ອະລິຍະທໍາລາວ ແລະ ຣັດເຊຍ.
ດ້ານທັກສະ:
PLO3 ສະແດງ ຄວາມສາມາດດ້ານພາສາເຂົ້າໃນການຄົ້ນຄິດ, ການແກ້ໄຂບັນຫາ, ການວາງແຜນ, ການສະແດງຄໍາຄິດຄໍາເຫັນດ້ານວິຊາການ, ການນໍາສະເໜີ ແລະ ການຖາມ-ຕອບຢ່າງມີປະສິດທິພາບ.
PLO4 ໝູນໃຊ້ ເຕັກໂນໂລຢີເຂົ້າໃນວຽກງານຕົວຈິງ, ການຊອກຫາຂໍ໊ມູນ, ການເຮັດບົດຄົ້ນຄວ້າວິທະຍາສາດ ແລະ ການດໍາເນີນຊີວິດປະຈໍາວັນ.
ດ້ານການນຳໃຊ້:
PLO5 ເລຶອກເຟັ້ນ ຄໍາສັບ, ສໍານວນພາສາຣັດເຊຍໃຫ້ຖຶກຕ້ອງເຂົ້າໃນການສືສານ, ວຽກງານບໍລິຫານ ແລະ ບໍລິການ (ເປັນຜູ້ນໍາທ່ຽວ, ແປເອກະສານ, ແປປາກເປົ່າ ແລະ ການຂຽນເອກະສານທາງການລະດັບພຶ້ນຖານ) ໃຫ້ມີປະສິດຕິພາບ.
PLO6 ນໍາໃຊ້ ຄວາມຮູ້ໃນການໃຊ້ພາສາຣັດເຊຍ 4 ທັກສະ: ຟັງ, ເວົ້າ, ອ່ານ, ຂຽນ ເຂົ້າໃນວຽກງານຕົວຈິງໃຫ້ໄດ້ດີ.
ດ້ານທັກສະທາງສັງຄົມ:
PLO7 ປະຕິບັດ ໜ້າທີ່ວຽກງານຂອງຕົນຢ່າງມີຈັນຍາບັນ, ຈັນຍາທໍາ, ສ້າງການຮຽນຮູ້ເຮັດວຽກງານເປັນໝູ່ຄະນະ ແລະ ມີຄວາມຮັບຜິດຊອບສູງເປັນໄປຕາມ 3 ລັກສະນະ ແລະ 5 ຫຼັກມູນ.
PLO8 ປົກປັກຮັກສາຮິດຄອງປະເພນີອັນດີງາມຂອງຊາດໃວ້ໃຫ້ໝັ້ນຄົງ ແລະ ມີຄວາມຮັກຊາດຢ່າງແຮງກ້າ.