ຫຼັກສູດພາກວິຊາພາສາອັງກິດ
ຊື່ຂອງຫຼັກສູດ:
ພາສາລາວ: ຫຼັກສູດປະລິນຍາຕີ ອັກສອນສາດ ສາຂາ ພາສາອັງກິດ
ພາສາອັງກິດ: Bachelor of Letters Programme in English Language
ປັດຊະຍາ:
ເພື່ອບັນລຸເປົ້າໝາຍຍຸດທະສາດການພັດທະນາເສດຖະກິດສັງຄົມແຫ່ງຊາດ ເພື່ອສ້າງປະເທດຊາດໃຫ້ການເປັນປະເທດທີ່ຈະເລີນ ແລະ ທັນສະໄໝທຽບເທົ່າກັບພາກພື້ນ ແລະ ສາກົນ ຂະແໜງການສຶກສາ ຕ້ອງມີການກຽມພ້ອມໃນດ້ານ:
ການກຽມພ້ອມໃນດ້ານການກໍ່ສ້າງພື້ນຖານໂຄງລ່າງ
ການພັດທະນາຊັບພະຍາກອນມານຸດຂອງຕົນໃຫ້ມີຄຸນນະພາບທາງດ້ານການວິຊາສະເພາະ, ການຄຸ້ມຄອງບໍລິຫານວິຊາການ, ດ້ານເສດຖະກິດ-ສັງຄົມ, ດ້ານການບໍລິການການສຶກສາ ແລະ ການບໍລິການແກ່ສັງຄົມ
ສະນັ້ນ, ການສ້າງຫຼັກສູດປະລິນຍາຕີອັກສອນສາດ ສາຂາພາສາອັງກິດ ຈຶ່ງແນໃສ່ ສ້າງບຸກຄະລະກອນໃຫ້ມີ ຄວາມຮູ້, ຄວາມສາມາດທາງດ້ານພາສາອັງກິດທີ່ພຽບພ້ອມໄປດ້ວຍ ຄຸນນະພາບ, ຄຸນນະທຳ, ຈະລິຍະທຳ ແລະ ຄຸນສົມບັດສິນທຳປະຕິວັດເພື່ອ
ນຳໃຊ້ເຂົ້າໃນວຽກງານທາງດ້ານວິທະຍາສາດ, ວັດທະນະທຳ, ການສື່ສານ, ການຄົ້ນຄວ້າວິໄຈ
ຕອບສະ ໜອງໄດ້ຕາມຄວາມຮຽກຮ້ອງຕ້ອງການຂອງຕະຫຼາດແຮງງານ ແລະ ການພັດທະນາເສດຖະກິດ-ສັງຄົມ.
ຈຸດປະສົງ:
ຈຸດປະສົງຂອງຫຼັກສູດແມ່ນເພື່ອສ້າງນັກສຶກສາໃຫ້
ມີຄວາມຮູ້, ຄວາມສາມາດ ແລະ ທັກສະ ທາງດ້ານພາສາອັງກິດໂດຍເນັ້ນໃສ່ 4 ທັກສະ ຮູ້ນຳໃຊ້ໄດ້ຢ່າງຖືກຕ້ອງ-ຄ່ອງແຄ້ວ ໃນລະດັບ B2 (CEFR).
ມີຄວາມຮູ້ ແລະ ຄວາມສາມາດ ທາງດ້ານ ພາສາອັງກິດທົ່ວໄປ, ພາສາອັງກິດສະເພາະດ້ານ ແລະ ວັນນະກຳອັງກິດຢ່າງກວ້າງຂວາງເລິກເຊິ່ງ.
ຮູ້ນຳໃຊ້ພາສາອັງກິດເຂົ້າໃນ ການສື່ສານ, ການແປ, ການຂຽນບົດຄົ້ນຄວ້າວິທະຍາສາດຂັ້ນພື້ນຖານ, ການພັດທະນາ ເສດຖະກິດ-ສັງຄົມ.
ຜົນການຮຽນ(PLO):
ພາຍຫຼັງສຳເລັດຫຼັກສູດລະດັບປະລິນຍາຕີ ອັກສອນສາດ ສາຂາພາສາອັງກິດ ນັກສຶກສາຈະສາມາດ:
ດ້ານຄວາມຮູ້
PLO1 ຈຳແນກໄດ້ທິດສະດີ, ຫຼັກການຂອງພາສາອັງກິດໃນ 4 ທັກສະ, ການແປ, ຄວາມໝາຍຂອງຄຳສັບ ແລະ ສຳນວນ ແລະ ຄຳສັບສະເພາະດ້ານໃນພາສາອັງກິດທີ່ໃຊ້ຢູ່ໃນຫຼາກຫຼາຍສະຖານະການໄດ້ຢ່າງຖືກຕ້ອງ.
PLO2 ສົມທຽບໄດ້ຄວາມແຕກຕ່າງ ທາງດ້ານວັດທະນະທຳໃນການນຳໃຊ້ພາສາອັງກິດເຂົ້າການສື່ສານໃນຮູບແບບທີ່ເປັນທາງການ ແລະ ບໍ່ເປັນທາງການຢ່າງມີປະສິດຕິພາບ.
ດ້ານທັກສະ
PLO3 ສະແດງຄວາມສາມາດດ້ານການຄົ້ນຄິດແບບໃຊ້ວິຈາລະນະຍານ, ການແກ້ໄຂບັນຫາ, ການເຈລະຈາຕໍ່ລອງ, ການລະດົມແນວຄວາມຄິດ, ການວາງແຜນ, ການສະແດງຄຳຄິດເຫັນດ້ານວິຊາການ, ການຄົ້ນຄວ້າວິທະຍາສາດ, ການຊອກຫາຂໍ້ມູນ, ການນຳສະເໜີ ແລະ ການຖາມ-ຕອບ ຢ່າງມີປະສິດທິພາບ.
PLO4 ໝູນໃຊ້ ເຕັກໂນໂລຊີເຂົ້າໃນການຊອກຫາແຫຼ່ງຂໍ້ມູນ ແລະ ການຄົ້ນຄວ້າວິທະຍາສາດຕ່າງໆໄດ້ຢ່າງເໝາະສົມ.
ດ້ານການນຳໃຊ້
PLO5 ນຳໃຊ້ທິດສະດີ, ຫຼັກການຂອງພາສາອັງກິດໃນ 4 ທັກສະ, ຄຳສັບ ແລະ ສຳນວນ ແລະ ຄຳສັບສະເພາະດ້ານ ຂອງພາສາອັງກິດເຂົ້າໃນການສື່ສານໃນຮູບແບບທີ່ເປັນທາງການ ແລະ ບໍ່ເປັນທາງການໄດ້ຢ່າງຄ່ອງແຄ້ວ.
PLO6 ດັດປັບຄວາມຮູ້ທາງດ້ານພາສາອັງກິດ ແລະ ວັດທະນະທຳເຂົ້າໃນການສື່ສານ, ການແປ (ແປປາກເປົ່າ ແປເອກະສານ)ໃນຫຼາກຫຼາຍສະຖານະການໄດ້ຢ່າງມີປະສິດທິພາບ.
ດ້ານຄວາມສາມາດທາງສັງຄົມ
PLO7 ດຳເນີນການຮຽນຮູ້ຕະຫຼອດຊິວິດ, ການເຮັດວຽກເປັນກຸ່ມ, ການຖ່າຍທອດຄວາມຮູ້ໃຫ້ແກ່ເພື່ອນຮ່ວມງານ ແລະ ສັງຄົມໄດ້ຢ່າງມີປະສິດທິພາບ.
PLO8 ປະຕິບັດໜ້າທີ່ວຽກງານຢ່າງມີຈັນຍາບັນ ຈັນຍາທຳ, ມີພາວະການເປັນຜູ້ນຳ ແລະ ມີຄວາມຮັບຜິດຊອບສູງ.