1. ຊື່ຫຼັກສູດ

● ຊື່ພາສາລາວ: ປະລິນຍາຕີອັກສອນສາດສາຂາພາສາເກົາຫລີ

● ຊື່ພາສາອັງກິດ: Bachelor Programme of Art  in Korean Language  

2. ປັດຊະຍາ

 ສ້າງບັນດິດຜູ້ມີຄວາມສາມາດນໍາໃຊ້ທັກສະທາງພາສາເກົາຫລີເພື່ອປະກອບອາຊີບ, ຄົບຄ້າສະມາຄົມ,ຍົກລະດັບຄວາມຮູ້ ແລະຄົ້ນຄວ້າວິທະຍາສາດໄດ້ຢ່າງແນ່ນອນ.

3. ຈຸດປະສົງຫຼັກສູດ

1.   ສ້າງບັນດິດສາມາດເວົ້າ, ຂຽນ, ອ່ານ, ຟັງ ແລະແລກປ່ຽນປະສົບການດ້ວຍພາສາເກົາຫລີໄດ້.

2. ສ້າງບັນດິດສາມາດສື່ສານ, ຕິດຕໍ່ພົວພັນດ້ວຍພາສາເກົາຫລີກັບສາກົນທີ່ຮູ້ ແລະເຂົ້າໃຈພາສາເກົາຫລີ.

3. ສ້າງບັນດິດສາມາດແປພາສາລາວ-ເກົາຫລີ-ລາວໄດ້ຕາມຄວາມຕ້ອງການຂອງສັງຄົມ.

4. ສ້າງບັນດິດໃຫ້ເປັນຜູ້ມີແນວຄິດສ້າງສັນ, ພຶດຕິກໍາດີ, ມີວິໄນ, ມີຄວາມສາມັກຄີ, ມີຄຸນສົມບັດ.

5. ສ້າງບັນດິດໃຫ້ຮັກອາຊີບ, ຮັກອົງກອນ, ຮັກຊາດຂອງຕົນ.    

4. ຜົນການຮຽນຮູ້ (PLO)

ພາຍຫລັງຮຽນຈົບຫລັກສູດສາຂາພາສາເກົາຫລີແລ້ວ ນັກສຶກສາຈະມີິິຄວາມສາມາດ:

1.  ດ້ານຄວາມຮູ້:

     PLO1: ຈຳແນກໄດ້ທິດສະດີ, ຫລັກການຂອງພາສາເກົາຫລີໃນ 4 ທັກສະ, ການແປ, ຄວາມຫມາຍຂອງສຳນວນຄຳສັບແລະ ຄຳສັບສະເພາະດ້ານໃນພາສາເກົາຫລີທີ່ໃຊ້ຢູ່ໃນຫລາກຫລາຍສະຖານະການໄດ້ຢ່າງຖືກຕ້ອງ.

 PLO2: ສົມທຽບໄດ້ຄວາມຄືກັນ ແລະ ຕ່າງກັນທາງດ້ານພາສາ-ວັດທະນະທໍາລາວ ກັບພາສາ-ວັດທະນະທໍາເກົາຫລີ.

2. ດ້ານທັກສະ:

PLO3: ຄົ້ນຄິດເພື່ອແກ້ໄຂບັນຫາຕ່າງໆຢ່າງເປັນລະບົບ ແລະມີເຫດມີຜົນໃນການປະຕິບັດຫນ້າາທີ່ວຽກງານທີ່ກ່ຽວຂ້ອງ. 

    PLO4: ໝູນໃຊ້ເຕັກໂນໂລຊີເຂົ້າໃນການຄົ້ນຫາຂໍ້ມູນຕ່າງໆເປັນພາສາເກົາຫລີ ແລະ ສະແຫວງຫາຄວາມຮູ້ໃຫມ່ໆເພື່ອການພັດທະນາຕົນເອງ, ອົງກອນຢ່າງຕໍ່ເນື່ອງ ແລະ ສ້າງສັນ.

3. ດ້ານການນຳໃຊ້

PLO5: ນຳໃຊ້ທິດສະດີ, ຫລັກການຂອງພາສາເກົາຫລີໃນ 4 ທັກສະ, ການແປ, ຄວາມຫມາຍຂອງສຳນວນ, ຄຳສັບແລະ ຄຳສັບສະເພາະດ້ານຂອງພາສາເກົາຫລີເຂົ້າໃນການສື່ສານກັບຄົນເກົາຫລີ ຫລື ຄົນຕ່າງປະເທດທີ່ນຳໃຊ້ພາສາເກົາຫລີເຂົ້າໃນພົວພັນວຽກງານ, ການຮ່ວມມືແລກປ່ຽນຂໍ້ມູນຂ່າວສານ ແລະ ວັດທະນະທຳ.

PLO6: ດັດປັບຄວາມຮູ້ດ້ານສັງຄົມ ແລະວັດທະນະທຳເພື່ອປະກອບອາຊີບທີ່    ເໝາະສົມຕາມຄວາມເປັນຈິງຂອງໜ້າວຽກ.  

PLO7: ດຳເນີນການບໍລິການແປເອກະສານ, ແປການສົນທະນາ ແລະ ການນຳສະເຫນີຂໍ້ມູນຂ່າວສານຕ່າງໆໃນວຽກງານທີ່ນຳໃຊ້ພາສາເກົາຫລີໄດ້ຢ່າງມີປະສິດທິພາບ.

4. ດ້ານທັກສະທາງສັງຄົມ:

  PLO8: ຖ່າຍທອດຄວາມຮູ້ທາງດ້ານພາສາເກົາຫລີຢ່າງມີຈັນຍາບັນ ແລະ ມີຈັນຍາທຳພ້ອມທັງມີຄວາມຮັບຜິດຊອບສູງຕໍ່ວຽກງານ.