ເພຶ່ອຕອບສະໜອງຄວາມຕ້ອງການໃນການຮ່ວມມືລະຫວ່າງສອງຊາດລາວ - ຫວຽດນາມ, ພ້ອມທັງຕອບ ສະໜອງຄວາມຮຽກຮ້ອງຕ້ອງການໃນການພັດທະນາເສດຖະກິດສັງຄົມ ຕ້ອງມີຄວາມຈໍາເປັນເປີດການຮຽນ - ການສອນກ່ຽວກັບພາສາ, ວັດທະນະທໍາ - ສັງຄົມຫວຽດນາມ. ທັງນີ້ກໍເພື່ອສ້າງບຸກຄະລາກອນທີ່ມີຄວາມຮູ້ ຄວາມສາມາດ, ມີຄວາມຈົງຮັກພັກດີຕໍ່ປະເທດຊາດ, ມີຄຸນສົມບັດສິນທໍາປະຕິວັດ ຕໍ່ສາຍພົວພັນແບບພິເສດ ລາວ - ຫວຽດນາມ, ຕອບສະໜອງຄວາມຮຽກຮ້ອງຕ້ອງການໃນການຮ່ວມມືລະຫວ່າງສອງປະເທດ ພ້ອມທັງ ສາມາດເຊື່ອມໂຍງສາຍພົວພັນກັບບັນດາປະເທດອື່ນໆໃນໂລກ.

ພາຍຫຼັງສໍາເລັດການສຶກສາ ໃນຫຼັກສູດປະລິນຍາຕີ ອັກສອນສາດ ສາຂາວິຊາພາສາຫວຽດ ແລ້ວນັກສຶກສາຈະ ສາມາດ:

PLO1 ຈໍາແນກທິດສະດີ, ຫຼັກການໄວຍາກອນ, ຄວາມຄື ແລະ ຄວາມຕ່າງຂອງຫຼັກການນໍາໃຊ້ 4 ທັກສະ (ອ່ານ, ຟັງ, ເວົ້າ, ຂຽນ) ຂອງພາສາຫວຽດ ແລະ ພາສາລາວໃນແຕ່ລະຂົງເຂດ.

PLO2 ອະທິບາຍພາສາຫວຽດໃນຫຼາຍຂົງເຂດທາງດ້ານສິນລະປະ-ວັດທະນະທຳ, ການເມືອງ, ເສດຖະກິດ-ສັງຄົມ, ການທ່ອງທ່ຽວ, ການພົວພັນຕ່າງປະເທດ.

PLO3 ໝູນ​ໃຊ້ເທັກໂນໂລຊີ ເຂົ້າໃນການຊອກຫາ​ແຫຼ່ງຂໍ້ມູນ ເພື່ອຮັບໃຊ້ໃຫ້ແກ່ການສຶກສາຄົ້ນຄວ້າ ໃນແຕ່ ລະຂົງເຂດທີ່ກ່ຽວຂ້ອງ.

PLO4 ສະແດງຄວາມຄິດເຫັນທີ່ມີຄວາມຄິດສ້າງສັນ, ການສື່ສານ 4 ທັກສະຢ່າງມີພິບໄຫວ, ມີຄວາມກ້າ ຫານໃນການສະແດງອອກ, ມີທັກສະໃນການນຳສະເໜີໄດ້ຢ່າງຖືກຕ້ອງ, ຄ່ອງແຄ້ວ ແລະ ມີປະສິດທິຜົນ.

PLO5 ນໍາໃຊ້ທິດສະດີ, ຫຼັກການໄວຍາກອນ, 4 ທັກສະ (ຄວາມຮູ້ດ້ານການຂຽນ, ການອ່ານ, ການເວົ້າ, ການຟັງ) ພາສາຫວຽດເຂົ້າໃນການສິດສອນ, ການແປ, ການເຈລະຈາ, ການນຳສະເໜີ, ການຄົບຄ້າສະມາຄົມ ຫຼື ພົບປະພົວພັນຕ່າງໆກັບທຸກສື່ທີ່ນໍາໃຊ້ພາສາຫວຽດ ໃນອົງກອນ ແລະ ການດໍາເນີນຊີວິດຢູ່ໃນສັງຄົມ.

PLO6 ດໍາເນີນການຮຽບຮຽງ ຫຼື ຂຽນບົດ, ຮ່າງເອກະສານຕ່າງໆທັງພາສາລາວ ແລະ ພາສາຫວຽດ ທີ່ເປັນທາງການ ແລະ ເອກະສານທົ່ວໄປ.

PLO7 ຂຽນບົດຄວາມເປັນພາສາຫວຽດລົງໃນສື່ສິ່ງພິມ ແລະ ສື່ເອເລັກໂຕນິກ ໄດ້ຢ່າງຖືກຕ້ອງຕາມຫຼັກການ ພາສາທາງການຂອງຊາດ.

PLO8 ປະຕິບັດວຽກງານຢ່າງມີຈັນຍາທໍາ, ຈັນຍາບັນ, ມີຄວາມຮັບຜິດຊອບສູງຕໍ່ດ້ານວິຊາຊີບ. 

PLO9 ສະແດງອອກເຖິງການຄວາມສາມາດໃນການຕອບ​ໂຕ້​ຄວາມ​ຄິດ​ເຫັນ​ຕໍ່ໜ້າ​ມວນ​ຊົນ, ມີ​ຄວາມ​ສາມາດ ສື່ສານພົວພັນ ແລະ ຖ່າຍທອດຄວາມຮູ້ໃຫ້ໝູ່ເພື່ອນຮ່ວມງານ.